Climate Forecast for June, July and August in Lusoga Language Uganda

Maize cultivation is a major activity in Busoga region

June, July & August Forecast in Lusoga language for Near Eastern Uganda
ENTEBEREZA Y’OBWIRE OKUVA OMWEZI GWOMUKAAGA OKUTUUKA GWOMUNANA 2013.
Okutwaliiza aghalala; entebereza eti bwenaaba mu Uganda:
Okuva omwezi gwomukaaga okutuuka ogwomunaana okutwaliza aghalala tikiseera kyamaadi kutoonha okusinga mubitundu eb’yobugwandhuuba, ebitundu ebiri ghagati gha Uganda, ebitundu eb’yenhanda Lake Victoria n’ebitundu eby’omubuvandhuba. Aye, kino kiseera k’yamaadhi kutoonha mumambuka ga Uganda.

Entebereza y’obwire oluyi lwobuvandhuuba bwenhandha Lake Victoria nga n’omuli amaserengeta ga district eye idhindha, Bugiri, Busia ni Mayuge.
Ebitundu bino, birikutonhamuku amadhi matontono ngamulimu n’okubwatuuka.

Embeera eno esubirwa ekweyongera okutuuka ghagati oghomwezi g’womukaaga. Oluvainhuma akasana kaidha kwaka nga aye kisubirwa nti amadhi gaidha kumighangaku okutuusa omwezi g’womunana. Okutwaliza aghalala; amadhi amangi gasubirwa okutonha mubitundu ebyo ebiri mumaserengeta ga Lake Victoria.

Ate, entebereza oluuyi olweifoifo lwabuvandhuuba bwa L.Victoria nga mulimu District eye Idhindha, Kamuli, Iganga , Bugiri, Luuka, Namutumba, Buyende, Kaliro, Busia ni Tororo.

Amadhi matontono gali kutonha mubitundu bino akasana kamaala kayaaka, embeera eno esubirwa okweyongera otuusa kunkomerero y’omwezi gwomukaaga.

Aye, kisubirwa nti oluvainhuuma akasana kaidha kwaka, amadhi gamighengaku nga mwidha kubaamu n’okubwatuuka. Ekiseera kino kidha kweyongera okutuusa muntandiika oba ghagati ghomwezi gwomunana.

Okutwaliza aghalala, kisubirwa nga amadhi kumpi gaidha kughera ate gamale gakendeere.
Ebigema kubirime:
• Mukungule ebirime nga bikuze.
• Mwaniike ebirime bukalamu mukiseera ekyomusana.
• Muboone nti mutereka bukalamu ebirime nga mumaze okukungula birobe kwidhaamu bughuuka n’okwononeeka.
• Musimbe ebirime ebikula amangu nga eiva mukiseera ekya amaadhi nga gatoonha matontono ngakwotaire n’okufukirira.
• Mutereke ensigo edhokusimba season eidha.
• Mwirule ebiwuzi aba mulimise nga mutekateka okusimba season erikwidha.
• Timwokya mpiira, timutema miti oba n’okwonona ebibali omuba amadhi.
• Mubwike eitaka nebisubi lisigale nga igholu.
• Muteketeke ebigimusa eitaaka nga mukozesa ebimera.
• Mugholere ebirime ebimala eibanga nga amajaani.
• Muziyize eisubi erimaala eibaanga.
• Musimbe eisubi eryebisolo ate mwidhabirize nelyo eririgho.
• Mwekuume ebighuka n’endwaire edhitera okugema ebirime.
Ebigema kubisolo:
• Musime n’okwerula eitaaka nga mwetegekera okulegeeka amadhi.
• Mweghale okwokya empiira musobole okuba neisubi l’yebisolo n’ebikaba.
• Bwemuba mwaya ebisolo, mube nga mukyusa kyusa ghemwayiira musobole obutonona ghemwayiira.
• Mugeme ebisolo n’okubidhandhaba eindwaire n’ebughuuka ebitera okubigema.
Okwaya ebyenhandha:
• Musaghe ensiko eyetoloire ebidiba b’yebyenhandha.
• Musime oba okwerula ebidiba b’yebyenhandha.
• Mukugirire ebidiba ebyebyenhandha okukuma ebidiba bukalamu.
Ebigema kubibira:
• Muleke kumala gatema miti.
• Musimbe nursery dhemiti nga mwetekeratekera okusimba emiti season eidha.
• Mufukirire era mwidhabirize emiti emito.
Okwekuma ebigwawo:
Amagezi agakughebwa kumataba:
• Abantu ababa mubifo ebitera okubaamu amataaba basengulwe bave mubitundu bino.
• Muzimbe amayumba agasobola okuziyiza amataba nga musitula wansi n’okugumya wansi ghenhumba nga amadhi tigasobola kubitamu.
• Musime enkonko okwetolola enhumba n’okwetolola enimiro.
• Abantu ababa okumpi n’ebitundu ebikumibwaamu ebisolo, mukubirizibwa okukobera abakulembeze b’wemuboona nga eriyo ensolo evireyo mubitundu ensolo mwedhikumibwa.
• Mwerule enkonko okusinga mubitundu ebyomubibuga.
Amagezi agaghebwa kukwebungulula kweitaaka:
• Bwemubona nga eriyo entanda edheyasisa, mukobere abakulembeze.
• Musenguke mwire mubitundu ebindi mweghale eitaka eryebulungula.
Okulabulwa Kulukuba:
• Abantu bakubirizibwa okwambala engaito edhamasanda.
• Mweghale okuba okumpi n’ebintu ebyekyuuma amadhi bwegaba nga galikutoonha.
• Muboone nti obuuma obugeema ladu butebwa kubizimbe ebyamasomero nikumalwaliro.
• Mweghale okwegama mumiti.

Okulabulwa kundwaire:
• Abantu bakubirizibwe okuba abayondho
• Banhwe amadhi amayondho
• Abantu mulinokuba n’ebyoloni
• Era mwongere amaani mukwekenenhya endwaire
Amagezi agaghebwa kubigema kukukozesa amaaadhi:
• Mukubirizibwa okulegeeka amadhi mumaka gaibwe.
• Mwerule ebidiba
• Mukubirizibwa okufukirira ebirime okusinga mubitundu ebitatonhemu madhi kamaala
• Mukugirire ebiba nemidumu ghemusena amadhi kiyambe okukumagho bulungi
• Abantu bakubirizibwe obutahnwa maadhi manhaaga
• Abantu ababa munsozi nga era kwebalima, balabulwa okwekuuma okwebungula
• Abantu babone nti bakuuma eitaaka namaadhi bukalamu
• Emiiga, enhandha ni dam dhadha kwidhula kumbaalikwagyo bwekutaba esubi ligema mukoka
• Abantu bekuume amataba agasubilwa mubintu ebyolwerere n’ebyo ebiri kumbali ghemiiga ghekitalalira
Ebigema kumasanhalaze:
• Amadhi munhandha gasubirwa okukendeera era kino kidha kukendeeza amasanhalaze agava mumadhi. Kale, mukeikereze amasanhalaze
• Mukozese engeri eyindi eyamasanhalaze agendhuba gebeeta solar
• Mulongose era mukozese waaya edhamasanhalaze empyaaka
• Mweghale okwokya ensiko
• Mugherere enku mubuungi era mufune namaanda agafumba gebeeta Briquette nga mwerinda obwire obunakyuuka.
• Muzimbe amaiga agafumba agakeikereza enku
Okwekuuma mubyobulamu:
• Abantu mwetaaga okusomesebwa n’okughabulwa kubigeema kubyobulaamu
• Mwongere okwekenenhya endwaire okusinzira kumboneka y’endwaire adhinabaagho
• Mwetaaga okuba n’obulezi obwetagisa ku District okusobola okwerinda embeera y’obulwaire
• Mwetekeretekere n’ebindi ebigwagho
Ebigema kunguudo n’ebizimbe:
• Mwerule enkonko
• Mutinde engiira nga mutaamu ebigoma ebiyaaka
• Mutereze enguudo dhibe dhamusetwe
• Mutegeke emotooka edhikola enguudo okusobola okulongoosa entindo edhisobola okudimira oba okuja n’amadhi olwamataaba agamaani n’eitaaka eryebulungulula erisobola okwebunga munguudo.
• Kibuyaga e’yamaani esubirwa okukunguuta era eyinza n’okubandula kubizimbe amabaati n’okusuula ebizimbe ebitali bigumu.
• Mubone nti muta obuuma obugeema ladu kubizimbe nga amasomero n’amalwaliro.
• Mutegeke sente edhokwerindiisa.
Ebigema kukusoma kukukuma amaadhi:
• Mukubirize amasomero okulegeka amadhi n’okugatereka
• Muboone nti mutereka amadhi agasobola okumaala eibaanga
• Mute eisira kukusimb emiti n’okugikuuma gyisobole okuziyiza kibuyaaga n’enkungu.
• Atantu betaaga okusomesebwa kubigema kubuyondho n’okuuba nekyoloni okuziyiza obutasansa bubi obuleta endwaire edhiba mwibanga nimumadhi agakozesebwa

Ebigema kukwekuuma:
• Musaawe ensiko eyetoloirwe enimiro ni mumiti
• Bekigemaku muboone nti musimira ensolo dhominsiko ebidiba mwedhisobola okunhwa amadhi dhirobe kutoloka kuja mubantu nga dhinonhya amadhi
• Abantu abali okumpi nebifo omukumibwa ensolo, babone nti bata olusite okwetolola ghebasena amadhi okuziyiza ensolo obutaidha kunhwamu.
• Muziyize ensolo edhikumibwa munsiko dhirobe kwetabula nedhaghaaka kino kiyamba okuziyiza endwaire.
• Abakulira ebifo ebirimu ensolo dhomunsiko babone nti bata abakozi abakuuma ensolo mubitundu bino okusobola okuziyiza ensolo obutaja kwonona nimiiro dhabantu.
• Mwerule ebidiiba amadhi galobe kukamiira n’okubona nti mukoka takulukutira mubidiiba.
• Mubitundu ebinafuuna amadhi amangi, abantu babone nti basimba emiti, era bakubirizibwe n’okusimba emiti mubibira ebirikufa.
Mute munkola amagezi gano agabaghereibwa. Muboone nti ebintu bino mubyogeraku n’abakulembeeze munkiiko dhekyaalo, era ni munkiiko dha government dhebitundu.

This information is disseminated by Farmers Media Link Centre in Collaboration with the Department of Meteorology and Partners in Uganda